រឿង ចៅញូង មាត់ទិព្វ

   រឿង ចៅញូង មាត់ទិព្វ

សេចក្ដីតំណាលរៀងៗមកថា មានបុរសកំសត់ទុរគតម្នាក់ឈ្មោះ ចៅញូង កំព្រាឪពុកនៅនឹងម្ដាយ ។ 

ចៅញូងនេះមានរូបខ្មៅក្រងែះ កើតដំបៅលេចបាតជើងដើរទៅណាមកណាប៉ះពៀចៗ ។

 ថ្ងៃមួយ ចៅញូងទៅសុំនៅបម្រើសេដ្ឋី៖

ពេលធ្វើដំណើរទៅដល់ផ្ទះសេដ្ឋី ក៏លត់ជង្គង់សំពះលោកសេដ្ខី លោកសេដ្ឋីក៏ សូរថា ៖ 

តើឯងមកទីនេះមានការអ្វីដែរ?

ខ្ញុំមកទីនេះសុំលោក សេដ្ឋីំនៅជាមួយ បំរើលោក សេដ្ឋី អោយ ខ្ញុំធ្វើអ្វីក៏ព្រមដែរ 

សូមលោកមេត្តាអោយខ្ញុំបាទបានបំរើលោក សេដ្ឋីបាទទាន !

តែបើម់ើលរូរាង យើងមិនគូរអោយឯងនៅទេ តែស្តាប់សម្តីឯងយើងយកនៅជាមួយបាន៖

សេដ្ឋីនោះមានកូនក្រមុំម្នាក់រូបល្អចំណាប់ ។ 

សេដ្ឋីបានប្រើឲ្យចៅញូងទៅឃ្វាលគោ ៥០០ ក្របី ៥០០ រាល់ៗថ្ងៃ ហ្វូងនោះធំជាងគេ 

ពួកដទៃៗ គេមិនត្រូវការឲ្យហ្វូងចៅញូងទៅជួបជុំទេ ។ 

លុះថ្ងៃក្រោយមកទៀត ចៅញូងដេញគោក្របី ទៅឃ្វាលកន្លែងមួយជិតខ្ទមអ្នកតា  ហើយយកខ្ទមអ្នកតាធ្វើម្លប់នៅអាស្រ័យ ធ្វើសិស្សអ្នកតារៀងទៅ

 ក្នុងថ្ងៃនោះឯងមានភ្លៀងធ្លាក់យ៉ាងខ្លាំង

 ហើយមាននាងនាគមកលេងទឹក ស្រាប់តែពស់អ្នកតាក្រឡេកឃើញនាងនាគលេងទឹក

រូបល្អកាលណា ក៏វារលូនចេញទៅដេញខាំនាងនាគនោះ។ 

 ទទួលចៅញូងមើលឃើញពស់ដេញខាំនាងនាគដូច្នោះ     ទើបស្រវាចាប់ដំបងគប់ចំក្បាលពស់ស្លាប់ក្នុងពេលនោះទៅ ។ 

ចំណែកនាងនាគបានរួចខ្លួនអំពីកណ្ដាប់ដៃនៃពស់នោះហើយ មានសេច-ក្ដីត្រេកអរយ៉ាងក្រៃលែង 

ទើបនិយាយប្រាប់ទៅចៅញូងថា៖  បងៗអម្បាញ់មិញនេះប្អូនភ័យស្ទើរស្លាប់ កុំតែបងឯងជួយខ្ញុំៗ ប្រហែលជានឹងស្លាប់ជាប្រាកដ តែមិនអីទេបង បងឯងជួយខ្ញុំក្នុងវេលាក្រដូច្នេះ ខ្ញុំមិនភ្លេចបងទេ ចាំថ្ងៃក្រោយខ្ញុំសូមតបគុណបងវិញ នាងនាគក៏បាត់ខ្លួនក្នុងពេលនោះ ទៅ ។ មិនយូរប៉ុន្មានស្រាប់តែឃើញតាចាស់ម្នាក់ដើរមក ឃើញពស់ស្លាប់នៅកន្លែងនោះ ទើបសួរថា:

 អ្នកណាវាយពស់ស្លាប់ ? ចៅញូងតបថា ខ្ញុំហ្នឹងហើយវាយពស់ស្លាប់តា 

ទើបតាសួរថា:

 ហេតុដូចម្ដេចទើបឯងវាយវា ? 

ចៅញូងតបថា : 

ព្រោះខ្ញុំចង់ជួយសង្គ្រោះនាគដែលធ្លាក់ខ្លួនក្នុងគ្រាមានអាសន្ន។ 

តាចាស់បានឮសំដីចៅញូងនិយាយប្រាប់ដូច្នោះ ក៏តាំងឲ្យពរសព្ទសាធុការចំពោះចៅញូងសព្វគ្រប់ហើយ ទើបប្រាប់ថា:

 តាចាស់និយាយ:

យើងនេះហើយជាឪពុកនាងនាគក្នុងស្ថានពិភពនាគ ដែលយើងក្លែងខ្លួនជាតាចាស់មកនេះដោយយើងចង់ដឹងថា ចៅឯងនិយាយត្រង់ទៅត្រង់មក ក៏និយាយម្ដងដូច្នេះម្ដងដូច្នោះ តែឥឡូវនេះយើងដឹងច្បាស់ថាចៅឯងជាមនុស្សមានចិត្តស្លូតត្រង់ចំពោះការសង្គ្រោះអាយុសត្វមែនមែន បើដូច្នេះតានឹងឲ្យប្រាក់ ១ បង្វេច មាស ១ បង្វេច  ដល់ចៅឯង ។

 ចៅញូងឮសំដីតាថាដូច្នោះ មានសេចក្ដីត្រេកអរពន់ពេក ទើបប្រាប់តាថា លោកតាតា ខ្ញុំបាទសព្វថ្ងៃនេះចៅបម្រើគេទេ ខ្ញុំមិនចង់បានទេបង្វេចប្រាក់មាសច្រើនម្ល៉េះ  ខ្ញុំគ្មានកន្លែងទុកដាក់ទេលោកតា  ទើបថាបើដូច្នោះ

ចៅឯងចង់បានអ្វី ? 

ចៅញូងប្រាប់ថា :

ខ្ញុំបាទចង់បានតែរបស់ណាដែលទុកដាក់ងាយៗ   

ទើបតាប្រាប់ថា  :

បើចង់បានរបស់ទុកដាក់ងាយ ចូរចៅឯងហារមាត់ឡើង តានឹងស្ដោះទឹកមាត់ឲ្យ ចៅញូងក៏ហាមាត់ ១ រំពេច តាស្ដោះទឹកមាត់ឲ្យភ្លាម

 ហើយប្រាប់ថាៈ 

ពីថ្ងៃនេះទៅចៅឯងចង់បានអ្វី ហៅបានទាំងអស់ដោយសំដីប្រើទូទៅ តែចៅឯងកុំមើលងាយមនុស្សឲ្យសោះ កុំទុកចិត្តមនុស្ស ។ 

ថាដូច្នេះហើយ តាចាស់ក៏បាត់ខ្លួនទៅ ចំណែកចៅញូងបានរបស់ពូកែកាលណា ក៏និយាយប្រាប់ហ្វូងគោក្របីថា នែ ! ពួកយើង ឯងចូរនាំគ្នាទៅចូលក្រោលទៅល្ងាចហើយ ហ្វូងគោក្របីក៏ទៅចូលក្រោលមែន ព្រឹកឡើងប្រាប់ថា

 ថ្ងៃហើយនាំគ្នាចេញទៅស៊ីស្មៅក្បែរមាត់ស្ទឹងជិតខ្ទមអ្នកតាទៅ :

ហ្វូងគោក្របីក៏នាំគ្នាចេញមែនតាមពាក្យចៅញូងទាំងអស់ ។ 

និយាយពីសេដ្ឋីមានកូនក្រមុំល្អនោះឯង ស្ដេចក្រុងចិនចូលមកដណ្ដឹង សេដ្ឋីឪពុកតម្រូវសំពត់កោសេយ្យ ភស្ដុ ១ គូ ស្ដេចក្រុងចិនក៏យល់ព្រម ហើយចរចេញទៅ ។ ចំណែកខាងចៅញូងឮថាស្ដេចពីណាមកចង់បានកូនក្រមុំសេដ្ឋីដូច្នោះ នឹកខឹង ក៏ពោលម្នាក់ឯងថា 

អញអើយអញ ! ដែលខំចូលខ្លួនទៅសុំបម្រើសេដ្ឋីនោះ ព្រោះអញមើលឃើញកូនក្រមុំហ្នឹងឯង តែមិនហ៊ាននិយាយ ព្រោះខ្លួនអ្នក

កម្សត់ខំប្រឹងប្រែងព្យាយាមធ្វើការ ដំបៅលេចបាតជើងឈាមរហាម ស៊ូតែអត់មិនចេញស្ដី ព្រោះមានសេចក្ដីប្រាថ្នាចង់បានកូនក្រមុំសេដ្ឋីនេះធំណាស់ ហើយពាក្យអ្នកប្រាជ្ញលោកថា ខន្តីក្ដី វីរិយក្ដី នឹកឃើញទាំងពីរនេះជាគូដៃសម្រាប់បបួលគ្នាដើររកសេចក្ដីចម្រើន ។

ហេតុនេះខ្លួនអញតាំងពីដើមរហូតមក ក៏បានប្រព្រឹត្តធម៌ទាំងពីនេះហើយ បើដូច្នេះអញត្រូវប្រដេញយកកូនក្រមុំនេះឲ្យបាន ៖

ថ្ងៃមួយចៅញូងបានដឹងដំណឹង

កប៉ាល់ជំនួញចិនមួយមកជិតដល់ នៅសមុទ្រ ក៏ធ្វើដំណើរទៅ ពេលទៅដល់ឆ្នេរសមុទ្រ ចៅញូងឃើញក៏ប៉ាល់ជំនួញចិនជិតដល់ច្រាំងចូលចត  ៖

ចៅញូងស្រែកថាៈ កប៉ាល់ឈប់ កប៉ាល់ឈប់​ ! ហើយក៏ដើរមកអង្គុយនៅមាត់សមុទ្រ ចាំមើលកប៉ាល់ក៍ទៅមិនរួច មួយសន្ទុះក្រោយមក ឃើញថៅកែ​  កប៉ាល់និងborរិវ៉ា ជិះទូកតូចៗ ឡើងមកលើគោករួចរកកន្លែងឈប់សំរាក ពេលធ្វើដំណើរ ដល់កន្លែង ចៅញូងកំពុងអង្គុយថៅកែ  កប៉ាល់និងborរិវ៉ានាំគ្នាដើរដំរង់មករកចៅញូង ពេលនោះចៅញូងក៏ញ្ចើញ  ថៅកែ  កប៉ាល់និងborរិវ៉ា មកអង្គុយលេង ៖

 ទើបចៅញូងសួរទៅថៅកែកប៉ាល់ 

កប៉ាល់លោកឈប់ធ្វើ អ្វី ? ថៅកែឆ្លើយថា ខេម មិនឈប់ទេ តែវាកឿងរលត់ម៉ាសុីនទៅមិនរួច ។ 

ទើបចៅញូងប្រាប់ថា ថៅកែឯងអ្នកមាន ខ្ញុំអ្នក​ ក្រ បើថៅកែជួលខ្ញុំខ្ញុំ ជួយធ្វើឲ្យកប៉ាល់ទៅបាន ថៅកែថា

ខ្ញុំសុខចិត្តជួលបើអ្នកឯងធ្វើឲ្ជួយធ្វើឲ្យកប៉ាល់ទៅបាន 

ទើបចៅញូងថា ថៅកែឲ្យអ្វីខ្ញុំ ?

 ថៅកែថា

អ្វីក៏ឲ្យបើកប៉ាល់ទៅបាន 

ចៅញូងថា

បើដូច្នោះថៅកែឲ្យសំពត់ជាកោសេយ្យភស្ដុខ្ញុំ ១ គូមក 

ថៅកែក៏ឲ្យសំពត់ ១ រំពេច ចៅញូងប្រាប់ថាកប៉ាល់ទៅចុះ កប៉ាល់ក៏ទៅមែន ចៅញូងបានសំពត់កោសេយ្យភស្ដុវេលាណា ក៏យកទៅផ្ទះ  ។ 

លុះសេដ្ឋីបានឃើញសំពត់ល្អកាលណា ទើបប្រាប់ខ្ញុំបម្រើទៅវាយសម្រាតយកពីម្ដាយចៅញូងៗ ក៏សន្លប់នូវនឹងកន្លែង ដំណឹងនោះឮដល់ចៅញូងៗ ខឹងខ្លាំងពេកក៏រត់ម្នីម្នាលើកម្ដាយ ថាម៉ែក្រោក ម្ដាយក្រោកភ្លាមទៅផ្ទះទៅ ។

និយាយពីកូនក្រមុំសេដ្ឋី មានគេមកដណ្ដឹង វេលាឪពុកអោយ ខំត្បាញសំពត់រាល់ថ្ងៃ ចៅញូងខឹងខ្លាំងពេកក៏ប្រាប់កីតម្បាញថា ៖

បើអ្នកណាមកត្បាញក្ដី ប៉ះពាល់ក្ដី ឲ្យជាប់គ្នាទាំងអស់ កុំឲ្យទៅណាមកណារួច !

លុះដល់ពេលបាយ កូនក្រមុំដែលត្បាញក្រោកឡើងមិនរួច   ហៅសេដ្ឋីទៅជួយជាប់ថែមទៀត   ហៅខ្ញុំប្រុសស្រីទៅជួយ ជាប់ទាំងអស់គ្នាទៀត ឃើញលោកសង្ឃនិមន្តដើរ ស្រែកឲ្យលោកជួយក៏ជាប់ទាំងលោកសង្ឃ ទាំងបាសកច្រឡំគ្នា​ លុះដល់ពេលល្ងាច ចៅញូងដេញគោក្របីចូលក្រោល ទើបសេដ្ឋីថា

 ចៅញូងឯងជួយអញផង អញទាំងអស់គ្នានេះជាប់នឹងកីក្រោកទៅណាមិនរួចទេ 

ទើបចៅញូងឆ្លើយថា ៖

បាទលោក សេដ្ឋីឲ្យកូនក្រមុំខ្ញុំ   ទើបខ្ញុំជួយ​ !!!

 សេដ្ឋីឮដូច្នោះខឹងខ្លាំងណាស់  តែមិនដឹងធ្វើដូចម្ដេចក៏ថា 

អើអញឲ្យកុំភ័យ ឯងជួយអញសិន

 ហើយចៅញូងប្រាប់ថា ៖

នាំគ្នាក្រោកឡើង  លោកសង្ឃ  អីច្រឡំគ្នានឹង  ឧបាសក  ដូច្នេះ នេះទៅលោកសង្ឃទៅវត្តទៅ  ឧបាសកទៅផ្ទះទៅ ៖

អ្នកទាំងនោះបានរួចអំពីគ្រោះថ្នាក់ទាំងនោះអស់ហើយ ក៏នាំគ្នាថ្វាយបង្គំចៅញូងថា អ្នកមានបុណ្យទេតើ ដោយសេចក្ដីអស្ចារ្យខ្លាំងណាស់ ព្រោះធ្លាប់តែឃ្វាលគោសព្វថ្ងៃ ឥឡូវនេះក៏មាត់ទិព្វអីភ្លាម ។ 

ចៅញូងដឹងច្បាស់ថាសេដ្ឋីលើកកូនក្រមុំឲ្យដូច្នោះ តាំងយកសំពត់កោសេយ្យភស្ដុ ១ គូនោះទៅជូនសេដ្ឋី សូមដណ្ដឹងសេដ្ឋីដោយការស្រួល ទើបសេដ្ឋីប្រាប់ថាកូននេះយើងមិនថាអីទេ តែពីថ្ងៃមុនស្ដេចក្រុងចិនគេមកដណ្ដឹង យើងថាឲ្យគេផុតទៅហើយ បើដូច្នេះឪពុកនឹងផ្សំផ្គុំឲ្យកូនឯងវិញចុះ ។ 

ចៅញូងទទួលពាក្យថាមិនអីទេលោកឪពុក រឿងរ៉ាវអម្បាលមាណស្រេចលើខ្ញុំទាំងអស់ ។ 

រឿងនោះឮដល់ស្ដេចក្រុងចិនៗ គិតថាឧបសគ្គកើតឡើងដល់អញហើយតើ បើដូច្នេះសេនាអាមាត្យពួកទាំងអស់គ្នា ចូរលើកទ័ពទៅដណ្ដើមយកកូនក្រមុំសេដ្ឋីឲ្យបាន  លុះមកដល់មុខទ្វារនៃផ្ទះ សេដ្ឋីក្រឡេកឃើញមានសេចក្ដី ព្រួយខ្លាំងណាស់ 

ហៅចៅញូងប្រាប់ថា កងទ័ពមកដល់ហើយ ចៅញូងថា

លោកឪពុកកុំឲ្យភ័យអីចាំខ្ញុំវិញ 

ថាហើយចេញដើរតម្រង់ទៅពួកទាហានប្រាប់ថា

  លីអាវុធឈរត្រង់ហ្នឹងហើយ ពួកនោះក៏ឈរមែនៗ 

ចៅញូងប្រាប់ថា

 ហើយនាំគ្នាចេញទៅទីលំនៅរបស់ខ្លួនវិញចុះ ។

 កងទ័ពស្ដេចក្រុងចិនក៏ធ្លាក់ក្នុងអំណាចរបស់ចៅញូងៗ ថាយ៉ាងណាធ្វើតាមទាំងអស់ តាំងពីថ្ងៃដែលចៅញូងបានប្រពន្ធក្រមុំនោះមក     ពួកអ្នកស្រុកស្រីប្រុសមកចំណុះចុះចូលធ្វើជាខ្ញុំបម្រើចៅញូងៗ ក៏បានទទួល ឋានៈជាសេដ្ឋីតំណាងបិតាតរៀងមក ។

Posted in: រឿងនិទាន